Overnatting.

Historisk hotell, birdbox eller leilegheit i sjøkanten? Vel det som passar deg og dine behov best.

Haaheim Gaard

Haaheim Gaard ligg høgt og fritt på 170 moh, på fine dagar seier ein at ein kan sjå om naustdørene på Shetland er opne. Hotellet har ein nydeleg kulturhage med kapell, lysthus og 1500 meter med hagestiar som slynger seg mellom små hagerom med benkar og blomsterbed.

Hotellet har i dag 24 rom, der suitene er fra 35-45 m2 med eiga badstu. Romma er innreidd i historisk stil, dei fleste med rekonstruerte historiske tapetar frå svenske og norske herregardar og slott.

Skap minne for livet på Haaheim Gaard!

Booking på 53 43 30 00 / 904 72 920, eller via nettside.

Birdbox Årbakka

Det nye og eksklusive overnattingskonseptet birdbox har kome til Tysnes! Her kjem du tett på naturen, og kan nyta ei fantastisk panoramautsikt mot blant anna Onarheimsfjorden, Ulvanosa, Melderskin og Rosendal. Denne unike overnattingsstaden gir deg ro i sjela og ei oppleving for livet. Ta med deg kjæresten eller ein god venn, det er sengeplass til to.

Kombiner gjerne birdbox-opphaldet med ein tur i det vakre Tysnesfjellet, eller med eit besøk på Årbakka Handelsstad.

Laukhamar Fritid 

Laukhamar Fritid ligg naturskjønt til på Skorpo, med ei fjordutsikt du seint vil gløyma. Her er det fleire leilegheiter og rom til utleige, og eit triveleg selskapslokale med plass til inntil 70 gjestar. Vertskapet tilbyr god tradisjonsmat, blant anna rettar med sauekjøt frå eigen gard.

Overnattingsgjester har høve til å leiga båt, og har tilgang til vaskemaskin, tørketrommel og frysar. Det er gode fiske- og turmoglegheiter i området. 

Ta kontakt på tlf 993 31 168 for bestilling.

Tysnes Sjø og Fritid

Sjølvstells-leilegheiter heilt i sjøkanten i Uggdal,
med herlege solforhold. Kort veg til daglegvarebutikk, badeplass og turområde.

Tlf 53 43 20 00/978 69 087

Vaktmeisterhuset på Solstråleøya

I Godøysundet ligg frodige og unike Solstråleøya, med om lag ulike 20 treslag, og stiar som innbyr til utforsking og rekreasjon. Øya har ei heilt spesiell historie, som omhandler både ein engelsk adelsmann, ei mystisk ung pike og den norske kongefamilien. I dag er staden ein populær destinasjon for båtturistar.

Aust på Solstråleøya, berre få meter frå sjøen, kan du overnatta i det som tidlegare var Kongen sin vaktmeisterbustad. Her er det 7 sengeplassar, kjøken og to stover. Like nedanfor huset ligg to kanoar, som du kan låna gratis. Området rundt er eit eldorado for padlarar.

Det er Solstråleøya Venelag som driftar utleigehuset. Ta kontakt med Terje Sløgedal på tlf 418 08 428 for å tinga overnatting. Obs - du må ha båt for å koma deg til øya.

Glamping på Huglo

Kan det freista med komfortabel camping i vakre omgivnader på Huglo, berre ein kort spasertur frå hestar, emu, skilpadder, papegøyer og påfuglar? Myrvold gård tilbyr overnatting i telt med 2 soveplassar (med høve til å setja inn to ekstra senger i det eine).

Her får du kjenna på ro og stille, og ikkje minst kan du nyta ei nydeleg utsikt. Overnattingsgjester har tilgang til utekjøken, og anledning til å helsa på alle dei kjekke dyra på garden. Frokost er inkludert i prisen, og det er mogleg å bestilla ekstra mat/middag om ein ønsker det. 

For booking, send e-post til lilliananthonessen@gmail.com eller ring tlf 47043390. 

Skihytta på Ådnastegen

Kunne du tenka deg å bu på ein vakker støl i Tysnesfjellet, om lag 1-1,5 time frå allfarveg? Mellom Tysnessåto og Hovlandsnuten ligg ei koseleg hytte som er til ålmenn utleige.

Skihytta har to soverom og hems + sovesofa. Sengetøy/sovepose, handkle og mat tar du med sjølv, elles finn ut alt du treng av utstyr i hytta. Her er både gasskomfyr, solcellepanel, bålpanne og hengekøye. Det er fleire fiskemoglegheiter i området.

Vatn hentar du frå ei kjelde like ved hytta, og dobesøk skjer på utedo. Dette er ei sjarmerande reise tilbake i tid, langt frå asfalt, trafikk, kjas og mas.

Book di overnatting hos hyttekontakt Juniane Vevatne Lunde på tlf 99773636.

OnarTun

Senteret OnarTun på Onarheim har 6 motellrom til utleige.

I same bygg finn du daglegvarebutikk (Joker), sjølvbetent treningssenter, squashbane og kafekrok med gratis kaffi og sal av softis. Senteret er tilrettelagt for rullestolbrukarar, og har kundetoalett. Elbil-lading og drivstoffanlegg ved parkeringsplassen. 

Frå OnarTun er det gangavstand til båthamn med flott stupetårn. Området har nydeleg utsikt mot Onarheimsfjorden og Kvinnheradsfjella. Fint turterreng i nærleiken.

Ta kontakt med Lea Rehling Qvistgaard for booking. Tlf 96 09 44 09.

Tysnes Hytte- og båtutleie & fiskeguiding

Utleige av feriehus og båt fleire stader på Tysnes. Har også bubilparkering på Jensvoll i Uggdal.

Tilbyr kurs i sjøfiske, blant anna spesiell djupvassfiske etter lange og brosme. Kursa varer frå 6 timar til heile dagen. Røye- og laksefisking kan også tingast.



Tlf: 988 88 261 / 997 45 533

Laukhamar Rorbuer

Laukhamar Rorbuer ligg på Skorpo, heilt sør i Tysnes kommune. Her er det roleg og fredeleg, og ingen gjennomgangstrafikk. Vertskapet har fire rorbuer som ligg heilt i sjøkanten, og ei hytte som ligg idyllisk til.

Det er båtar til rorbuene og hytta, og gode fiskeforhold. Det er også flotte turforhold i fjellet, like ved.

Tlf: 47 60 42 26

Airbnb

Det finst ei rekkje trivelege hus, hytter, leilegheiter og naust på Tysnes som kan leigast via Airbnb.

Gjer eit søk på knappen under, og finn det overnattingsalternativet som passar best for deg.