Reisa hit
Tysnes er ein øykommune midt i hjartet av Sunnhordland, omkransa av vakre fjordar på alle kantar. Me er tilknytt to ferjesamband og er også landfast med bru. Kom på hjul eller med båt - du får garantert ei fin oppleving!
MED BIL
Kjem du nordfrå (Bergen/Os) tar du ferja frå Halhjem til Våge. Overfart ca 35 minutt.
Kjem du sørfrå (Stord) tar du ferja frå Jektevik til Hodnanes. Overfart ca. 10 minutt.
Kjem du via Kvinnherad eller søndre del av Bjørnafjorden kan du køyra ferjefritt over Lukksund bru.
MED EIGEN BÅT
Tysnes er eit ferieparadis for båtfolket, og me har fleire idylliske gjestehamner som ventar på deg.
MED HURTIGBÅT
Hardangerfjordekspressen har stopp på Malkenes - hit kan du reisa frå Bergen, Flesland, Os og Rosendal. Dette er ein komfortabel og fin reisemåte om du har med deg sykkel eller har avtale om skyss når du kjem i land.
MED BUSS
Det er lett å koma seg med buss til dei to ferjesambanda som er knytt til Tysnes, særleg frå Bergen til Halhjem. Det går også buss frå Gjermundshamn (Kvinnherad) til Tysnes.